logo

М О Я    О С Е Т И Я



Агындиа Сергей
абхазаг фыссæг

 

      *  *  *
Хæхтæ сæ фæтæн уæхсчытыл
арвы цъæх систой бæрзонд.
Айнæгæн йе ’хсон цыргъытыл
кафы сæумæйы хур, сонт.
Ме ’взонджы рухс дуг æртæхау
тайы, æхсын дзы мæхи,
уый мын — Антейæн йæ зæххау
фарнхæссæг: ног тых мæм и.
Уалдзæг. æрбацъæхтæ хуссар.
Ме ’фсургъ, æдæрсгæ та цом.
Зонын, рæдауæй мын кулдуар
бакæндзæн ме стъалы сом.

    *  *  *
Ысхæц дæ цæстыхаутыл цъус,
ысхæц хæрз гæзæмæ æрмæст,
уынон дæ цæстытæн сæ рухс,
Æмæ дзы байдзаг уа мæ цæст...
Кæсин дæм афтæ æз æнус.
Дæ хурæй м’ амонд у нывæст.
Ысхæц дæ цæстыхаутыл цъус,
Æмæ дæ байдзаг уа мæ цæст.

    *  *  *
И улетает птицею зима.
 Паруйр Севак
Уый зымæг нæ атахти — атахтæн æз:
хæтæгхуаг зырнæгыл йæ фæндаг ныддаргъ.
Æхсон рындзыл бандзыг æргъæвстæй мæ къæс,
цъæх уæлвæзыл баззади ме ’фсургъ æд саргъ.
Сæууон мигъы скъуыдæй-иу ирд хур куы ’ркаст,
йæ тынты æхсæрдзæн-иу зæхмæ куы ’ркалд, —
уыд уыцы уысм диссаг, уыдтон дзы дæ уарзт,
Æфсæрмдзаст, фæлмæн худт, æнæзæгъгæ ард.
Тæмæссаджы исдуг кæм аззади ныр.
Севак, о, дæ фæндыр æнусмæ ныммыр.
Севаны уылæнау дæ базыр æрхауд —
фæцис Айастанæн йæ хъæбул æдзард.
Уый зымæг нæ атахти — атахтæн æз...
О уалдзæг, дæ тавс мын мæ бæстæм фæхæсс.

                                       ФАТАОНТЫ Уариганы тæлмацтæ

Мах дуг.– 2008.– № 4.

 


Литература народов Кавказа:
      Абхазская
        Абхазаг æмбисæндтæ
        Абхазаг таургътæ
        Агындиа Сергей
        Аджба Таиф
        Амаршан Витали
        Аламиа Геннадий
        Ажиба Энвер
        Гогуа Алыкса
        Джинджолия Владимир
        Искандер Фазиль
        Касландзиа Валери
        Квициниа Никъала
        Лагулаа Анатоли
        Лакербай Юри
        Ломиа Константин
        Мукба Анзор
        Хашиг Никъала
        Хашба Риммæ
        Хварцкия Игорь
        Чкадуа Шота
      Армянская
      Кабардинская

Русская литература

Зарубежная литература