logo

М О Я    О С Е Т И Я



Хварцкия Игорь
абхазаг поэт, журналист

Хохаг дон

Уый денджызмæ ныййарц, æмæ йæ фæстæ
Кæсынц æдзæмæй урс цъититæ, хох.
Уый сыстырзæрдæ, нал æй хъуыд йæ бæстæ,
Егъау къæйтимæ самадта-иу тох.
Æрцыд ыл сайд, ысчындис ын кæлæнтæ:
Æррайау рындзæй уазал коммæ тæх!
Цæмæй æмбæрста, денджызы уылæнтæ
æдзух кæй мысынц былгæрæттæ, зæхх.
Сæ ахæстæй сæрибармæ бæлгæйæ
Кæй хъарынц уыдон сур зæххæн сæ уарзт,
Æрхæндæгæй, сæ гæндзæхтæ цæгъдгæйæ,
Дæрзæг хуырыл кæй амæлынц æваст.

Хуыскъ адаг

Бахус адаг, у æнкъард,
Цæстыл уайы ивгъуыд:
Ам æрттывта, худти цард,
Цин æнхъæвзта, ивылд.
Ныр æгуыппæг у, æдзæм,
Дуртæ кувынц арвмæ:
Судзæм, дойныйæ мæлæм,
Саккаг кæ дæ арфæ!
Багъæц, сасæст уыдзæн ком:
Их, тыгъдызæй — тъайлаг,
Змæст, æмбухгæ донæй сом
Ферхæцдзæнис адаг...
Мигъау атайдзæн фыдбон.
Нæй фæцудæн дуртæн.
Дуртæн раирд уыдзæн дон,
Худдзысты дзы хуртæ.

                        Бес-Уæгъуыры тæлмацтæ
// Мах дуг.– 2008.– № 4.


Литература народов Кавказа:
      Абхазская
        Абхазаг æмбисæндтæ
        Абхазаг таургътæ
        Агындиа Сергей
        Аджба Таиф
        Амаршан Витали
        Аламиа Геннадий
        Ажиба Энвер
        Гогуа Алыкса
        Джинджолия Владимир
        Искандер Фазиль
        Касландзиа Валери
        Квициниа Никъала
        Лагулаа Анатоли
        Лакербай Юри
        Ломиа Константин
        Мукба Анзор
        Хашиг Никъала
        Хашба Риммæ
        Хварцкия Игорь
        Чкадуа Шота
      Армянская
      Кабардинская

Русская литература

Зарубежная литература