logo

М О Я    О С Е Т И Я



Ажиба Энвер
абхазаг фыссæг

 

Дугътæ

Барджытæ — цæргæстæ, дугъæттæ — æртытæ.
Цæфхæдтæ рæдувынц сау зæххæй фæрчытæ.
Аззайы цъæх фæздæг æртытæн сæ фæстæ,
Акæлы цæхæртæ барæгæн йæ цæстæй.
Иу зæронд лæг аджих, атахтис йæ сæнтты:
Ахастой йæ дардмæ рагбонты хæтæнтæ...
Барджытæ — цæргæстæ, дугъæттæ — æртытæ.
Цæфхæдтæ рæдувынц сау зæххæй фæрчытæ.
Чи ’рцæудзæни разæй, чи ’рхæсдзæн уæлахиз? —
Æтт, лæппу, дæ арæхст уарзон чызгæн равдис!
Утæхсæн ыл бафтыд, бакæс-ма йæм уæртæ:
Арт-æфсургъты тахтмæ скатай ис йæ зæрдæ.
А тохы уæлахиз бауыдзæн уæ иуы,
Ссудз уæдæ дæ хурæн цины арт йæ риуы!

 

  Куыдз

Фæкодта уый æнувыдæй лæггад,
Дæс азы уыд йæ хицауæн хæдзаргæс,
Ныр æй æрхъуыди бафидын фæстаг хæс,
Æрæмбæрста: æрхæццæ ис йæ рад.
Уый хуры скастмæ нал фæлæууыд, нал,
Сæркъулæй цыд, йæ цæстысыгтæ тагъта:
Кæркуасæнты йæ къæсæртæ ныууагъта,
Цæмæй йæ кæрты ма ’рцахса адзал.

                                       ФАТАОНТЫ Уариганы тæлмацтæ

Мах дуг.– 2008.– № 4.


Литература народов Кавказа:
      Абхазская
        Абхазаг æмбисæндтæ
        Абхазаг таургътæ
        Агындиа Сергей
        Аджба Таиф
        Амаршан Витали
        Аламиа Геннадий
        Ажиба Энвер
        Гогуа Алыкса
        Джинджолия Владимир
        Искандер Фазиль
        Касландзиа Валери
        Квициниа Никъала
        Лагулаа Анатоли
        Лакербай Юри
        Ломиа Константин
        Мукба Анзор
        Хашиг Никъала
        Хашба Риммæ
        Хварцкия Игорь
        Чкадуа Шота
      Армянская
      Кабардинская

Русская литература

Зарубежная литература