logo

М О Я    О С Е Т И Я



Цветаева Марина Ивановна
зындгонд уырыссаг поэт (1892 – 1941)




Æнæныгуылгæ хур

* * *
Æмдзæвгæтæ — ыстъалыйы ысхъистæ,
Æмдзæвгæтæ — сырхмæтæджы тæмæн...
Сæ артыл ахсæв бафтыдтон мæ дистæ —
Хуыздæр æхсæвæр чердæм хъæуы мæн!

Тыннывæндгæ ыстъалы судзы тары.
Æрвон сырхмæтæг акъæртт кодта дур...
Поэтыл ахсæв царциатæ уары,
Поэтыл ахсæв нал ныгуылы хур.

 

* * *
Ды — фыссæн, æз — урс сыфы быдыр,
Дзаг мæ кæн æвидигæ бæркæдтæй!
Ныр уыдзысты арф æмбæхст, æмыр, —
Райсом тау ысуадздзысты æрдзæтæй.

Æз — хъæу дæн, бæзнаг саумæр, æдзæм,
Ды... Ды та — мæ хур æмæ мæ уарын.
Рафæлгæс уæлдунейæ! æз дæм
Арвы бынæй афтид æрмттæ дарын.

 

Мамыкъаты Хъазыбеджы бархи тÆлмац.


// Мах дуг.– 2001.– № 3.


Русская литература
     Бунин И.А.
     Гаршин В.М.
     Гоголь Н.В.
     Державин Г.Р.
     Заболоцкий Н.А.
     Иртеньев И.М.
     Лермонтов М.Ю.
     Тарковский А.А.
     Твардовский А.Т.
     Тютчев Ф.И.
     Толстой Л.Н.
     Цветаева М.И.
     Чехов А.П.
     Шаламов В.Т.
     Шолохов М.А.
     Языков Н.М.


Зарубежная литература

Литература народов Кавказа:
       Абхазская
       Армянская
       Кабардинская