logo

М О Я    О С Е Т И Я




Иоганн Вольфганг фон Гете
немыцаг поэт
(1749 – 1832)

 

 

VANITAS! VANITATUM VANITAS!
Мæн ницы рамбулын фæндыд,
     Гъей-гъой!
Уыдтæн уæд амондæй рæвдыд!
     Гъей-гъой!

Мæ хæлар, дзаг нуазæн æркæн,
Дзæбæх ныххырхæм иумæ сæн,
Нывыл нæ зарæг уæд цæудзæн.
æрфæндыд минтæ ссарын мæн,
Гъей-гъой!
Рæузондæй рог цинтыл зылдтæн,
Гъей-гъой!
Сыфтæртау тумантæ уыгътон,
Рæдау сæ сæндæтты сыгътон,
Нæ уыд сæ бафснайын мæ бон
æрфæндыд сылтыл зилын мæн,
Гъей-гъой!
Зæххыл зындоны хай фæдæн,
Гъей-гъой!
Сæ иуы хин митæй сыгътæн,
æндæры узæлдæй тыхстæн,
Сæ иуæй иннæмæ лыгъдтæн.
æрфæндыд абалц кæнын мæн,
Гъей-гъой!
Кæм и дзæгъæлдзуйæн цæрæн?
Гъей-гъой!
Хæтæнты никуы смарзтон сой,
Нæ ардтон иу ран дæр æнцой,
Зынты хæрз иунæг у хæтой.
æрфæндыд ном ыскæнын мæн,
Гъей-гъой!
Мæнæн уæд нал баззад лымæн,
Гъей-уой!
Куы сдæн мæ хæлæрттæй хуыздæр,
Уæд разылд накъæтæн сæ сæр,
Мæ кад сын — ризæгæй фыддæр.
æрфæндыд хæст бавзарын мæн,
Гъей-гъой!
Фæкодтон бæстæтæ дæрæн,
Гъей-гъой!
Мæ куыстæй бирæты цард — хаст,
æрхастон хионтæн фыдмаст,
Уыныс, мæхæдæг та — зæнгсаст.
Ныр ма цы бавзарон, зæгъут?
Гъей-гъой!
Уæддæр — къуывитт æмæ гаффутт,
Гъей-гъой!
Фæци нæ зарæг дæр нывæст.
æркæн, — кæд ма дæм аззад нуæзт,
Уæд æй ныффу кæнæм æххæст!

Джыккайты Шамилы тæлмац

// Мах дуг.– 2003.– № 9.


Зарубежная литература
     Эдгар Аллан По
     Альберти Рафаэль
     Аполлинер Гийом
     Джордж Ноэл Гордон Байрон
     Бодлер Шарль Пьер
     Кнут Гамсун
     Гюго Мари Виктор
     Иоганн Вольфганг фон Гете
     Гейне Генрих
     Гриммельсгаузен Ганс
     Лафонтен Жан
     Лорка Гарсиа
     Лессинг Готхольд Эфраим
     Лец Станислав Ежи
     Йожеф Аттилæ
     Мериме Проспер
     Ортега –и-Гассет Хосе
     Петраркæ Франческо
     Шандор Петефи
     Сартр Жан-Поль
     Руссо
     Марк Твен
     Теннисон Альфред
     Шах Идрис
     Шиллер Фридрих
     Хикмет Назым



Русская литература

Литература народов Кавказа:
       Абхазская
       Армянская
       Кабардинская